東九龍普通科門診遊記

今日去東九龍普通科門診，途經鑽石山殯儀館，想了想如果結果走向不好的方向，亦回憶起有人問我驚唔驚，可能未識驚，但亦有想想如果生命餘下一年，我會如何。突然想起大關神父講的道理，他說人生中雖然好多事我們都唔知道是否天主安排，但我們可以確定天主的意思是叫我們時常歡樂，不斷祈禱，時時感恩。

到了門診，因為第一次來，好多野都唔識，所以問門診姐姐，她用譚仔姐姐腔同我講，重話之前咪同你講左一次囉，結果要旁人話比我知要度高、磅重、量血壓。

因為等的應診室係睇專科，結果都等左好耐，好彩有備而來，好似好耐都無咁樣空閒睇書，睇左少少真善美、真理、智慧、理性於歷史發展中的關係。

但等待見醫生都有點緊張，害怕到我見醫生的時候，我忽略了。同時見到其他的叔叔、姨姨都幾緊張，他們會想醫生是否不在應診室，叫護士叫番醫生返去，我開始明白作為病人等見醫生的緊張和心情。

終於可以見醫生，她主要都是打著字問診，其中她問我有否消瘦，我答佢：無呀，重越來越肥。她笑了，我有點滿足。結果她為我再排期和寫紙俾我去聖母醫院照X光，所以我都不知道情況如何。

我想了想要怎樣的工作生活才會令我享受這樣放了一天假。